apne chehre se jo zāhir hai chhupā.eñ kaise,terī marzī ke mutābiq nazar aa.eñ kaise||Ghazal - by:-loveshayari2021

apne chehre se jo zāhir hai chhupā.eñ kaise,terī marzī ke mutābiq nazar aa.eñ kaise - by:-loveshayari2021

 apne chehre se jo zāhir hai chhupā.eñ kaise 

terī marzī ke mutābiq nazar aa.eñ kaise 

ghar sajāne kā tasavvur to bahut ba.ad kā hai 

pahle ye tai ho ki is ghar ko bachā.eñ kaise 

laakh talvāreñ baḌhī aatī hoñ gardan kī taraf 

sar jhukānā nahīñ aatā to jhukā.eñ kaise 

qahqaha aañkh kā bartāo badal detā hai 

hañsne vaale tujhe aañsū nazar aa.eñ kaise 

phuul se rañg judā honā koī khel nahīñ 

apnī miTTī ko kahīñ chhoḌ ke jaa.eñ kaise 

koī apnī hī nazar se to hameñ dekhegā 

ek qatre ko samundar nazar aa.eñ kaise 

jis ne dānista kiyā ho nazar-andāz 'vasīm' 

us ko kuchh yaad dilā.eñ to dilā.eñ kaise